PRO-CHACHA!

Now a days mainit na naman ang sitwasyon sa Pilipinas, nagpapalayas na naman tayo ng "Pangulo" o "Pang-gulo". Kaya naman sa kasalukuyan habang isinusulat ko 'to may nagaganap na rally sa Ayala Ave., Makati. Magulo na naman! Maraming gutom na aso na gustong umagaw sa pwesto nang nabusog na buwaya! Sila naman daw! Hayyy.. kahit ilang rally pa yan, tuloy ang pag dami ng mga sugapa sa gobyerno hanggat hindi nababago ang sistema. Ang sa akin lang bakit hindi natin baguhin ang konstitusyon? Wala naman masama eh! kung nakikita mong hindi na epektibo sa kasalukuyang panahon ang mga lumang batas, baguhin na! Sa totoo lang, dati hindi ko pa naiintindihan ang Parliamentary System, naalala ko pa nung highschool ako, meron kaming noise barage sa catholic school na pinanggalingan ko, yun daw ay protesta against cha-cha.. sabi nila martial law daw yun.. Syempre ang alam ko lang bangungot ang martial law para sa mga pilipino yan ang itinanim sa atin ng mga teacher natin nung bata tayo.. Siguro na trauma lang ang mga pinoy kada maririnig ang charter change.

Pero habang lumalawak ang aking kaalaman, sa nakikita ko sa mga bansang mauunlad, sa mga pag aaral tungkol sa batas na itinuturo sa atin, sa sinasabi ng mga malalapit na kaibigan at kamag anak at sa nakikita kong sitwasyon sa gobyerno at lipunan, nagiging bukas ang aking isip sa mga pagbabago na dapat na talagang ipatupad. Para sa akin.. Nakikiisa ako sa pag amyenda ng bagong saligang batas.

Sa pagkakaintindi ko... sa loob ng isang Parliamentary System, hindi na nating kailangang bumoto ng isang presidente na bibilangin manually sa bawat sulok ng bansa. Kundi ang mga representatives na ibinoto natin sa ating mga lugar ang boboto sa kanila at tatawaging Prime Minister. Mas maayos kung iisipin mong mabuti.. dahil maliit lang ang figures na dapat bilangin na boto para sa napiling Prime Minister.. hindi magulo.. at wala kang iisipin na dayaan.. Ang pinaka kapangyarihan na lang ng mamayan ay ang maingat at matalinong pag boto ng representante sa kanilang lugar. Para hindi nakaasa tayong lahat sa isang centralized na gobyerno, at mas madaling mahuli ang mga buwaya.

MY FOURTH SURGERY

Kagagaling ko lang sa U.P Manila para ipabunot ang sira kong ngipin sa bagang (molar tooth). Ito ang pang apat na bunot ko, sa loob ng anim na buwan. Yung una nung January para tanggalin yung sumasakit na impacted tooth ko sa kaliwa bahagi na mas sikat na tawagin ding wisdom tooth. Sabi naman ng mga dentista dapat daw talaga tanggalin yun, sumasakit man o hindi, kasi wala naman daw function ang ngipin na yun at maaari lang pag imbakan ng dumi dahil mahirap linisin dahil sobrang dulo na, prone din sa pag bukol o sa kanser kapag lumala. Yung pangalawa ko nung February, valentines day nun.. Molar tooth ko ulit sa taas bandang kanan, medyo delikado kasi boundary na ng sinus, tinahe ang gilagid ko nun, then bumalik pa 'ko after one week para tangalin yung tahe. Pangatlo nung March a week before ng graduation ko, impacted tooth ulit sa kanan naman, tinahi ulit.. at ngayon.. pang-apat, yung sira kong ngipin sa bagang, molar tooth din yun.. Grabe!! akala ko nung valentines yung pinakamasakit, yun pala eto, ang tagal kasi umepekto nung anestisia sa'kin. Isa't kalahating oras yung itinagal, pero pinakamatagal pa rin nung valentines na umabot ng three hours. Medyo kabado rin kasi yung estudyante tsaka delikado talaga yun.. Yes! mga estudyante nang U.P College of Dentistry ang mga nag-bunot sa 'kin, Dun kasi nag-aaral yung kapatid ng kaibigan ko kaya... Tsaka walang bayad! Pabor na rin sa'kin.. Hindi naman masyado nakakatakot kasi may assistance naman ng totoong Dentista, yung "prof." nila kung may tanong o kaya hindi nila alam ang gagawin..Kaya kung may problema kayo sa ngipin.. wag matakot sa bunot, kaysa habang buhay mong problemahin.

After nang mga bunot days ko, dederetso ko sa amin sa Taguig from Pedro Gil, Manila.. Isipin mo na lang yung biyahe... Astig ba?! hehe... Ayoko rin kasi ng may sira akong ngipin, atleast ngayon wala nang problema, basta mag toothbrush na lang regularly. Medyo sanay na 'ko kaya ngayon deretso muna 'ko sa Hopia, follow-up ko kasi yung transcript ko. Tsaka maulan ngayon, ang sarap mag-gala! Sayang wala 'ko pera, sarap sana manood nang "War of the Worlds" try ko this weekend...