SAMAHAN MO 'KO..

Last night nag text sa akin ang kaibigan ko nung highschool..syempre kaibigan ko pa rin hanggang ngayon.. Nag papasama siya sa'kin sa Munisipyo sa NSO office para kumuha ng birth certificate ng anak niya, na inaanak ko rin. Kailangan kasi 'to bago makapasok ang bata sa school. Dapat makukuha namin ang certificate within 3 to 5 days, pero nakiusap kami kung pwede naming makuha within that day.. Pumayag naman ang umasikaso sa amin pero kailangan namin mag bigay ng P250 para mas mapadali daw ang trabaho. Syempre dahil kailangan na nga namin... Ibinigay namin ang hinihingi ng teller. "LAGAY" po ang tawag dun!

Dumeretso muna 'ko sa bahay nila nung tanghale,after namin makuha ang birth certificate ng bata kasi daw gusto akong makausap ng kapatid ng asawa niya.. Medyo may idea na 'ko kung ano ang pag uusapan namin dahil nung last na punta ko dun bago ko umalis para sa Nueva Ecija may nasabi na siya tungkol dito.

Inalok niya 'ko na sumali sa networking na negosyo niya ngayon. Akala ko nung una aalukin lang niya ako na bumili ng product nila, ang kaso pag dating ko dun niyaya na din ako na mag benta at magpa member sa kanila. Pinakausap pa nga sa akin yung nag recruit sa kanya. Magaling mag salita yung parang lalake na yun. Parang kasi.. alanganin ang tingin ko sa kanya. Sinabi pa niya sa'kin na mag yaya pa daw ako ng iba ko pang kaibigan para umatend sa seminar sa Shaw Boulevard. Hindi naman ako nangako na makakapunta 'ko dahil may klase ko nang ala una. Pero pinilit ako na kahit after class daw humabol daw ako. Nag mamadali na'ko nun kasi ma lelate na nga 'ko sa summer class ko. Kaya napa OO na lang ako. Pag uwi ko sa bahay 12:30 na ng tanghale, dahil sa sobrang init at pagod na din ako, hindi na'ko nakapasok sa school. Natulog na lang ako sa bahay. Nung bandang 4:00 ng hapon nag ring ang cellphone ko. Tumatawag pala yung kapatid ng asawa ng kaibigan ko. Hindi ko agad nasagot yung tawag dahil akala ko ay nanaginip lang ako. Pero dahil hindi tumigil ang ring ng phone, nag reply ako na hindi na nga ako makakapunta dahil tinatamad ako at hindi rin naman ako nakapasok sa school. Ok lang naman daw sa kanya. Sinabi ko na lang sa text na tutulungan ko siya mag benta sa ngayon. Binigyan niya 'ko ng 15 days para pag isipan ang pagiging member.

Pero sa totoo lang.. wala akong balak na sumali sa mga networking business, Siguro dahil wala akong tiwala at tamad din ako mag alok at mag benta. Ayoko din nung pakiramdam na naniningil ng pera o utang sa mga tao lalo na sa kaibigan ko. Kaya kahit sinasabi nila na kikita ako ng P2,000,000 within 5 weeks, na parang imposible pero maganda lang pakinggan hindi pa rin ako kumbinsido, Tsaka wala naman akong trabaho sa ngayon para mag bayad ng initial set para maging member nila na worth P2,500. Kayo kapag may nag alok sa inyo na sumali sa networking, sasali ka? Ilang beses mo kaya pag iisipan?