PINOY FX DRIVER

Last week umuwi ate ko sa bahay na mukang problemado dahil naiwan niya ang mga papeles ng komapanya nila sa FX taxi na biyaheng Crossing via Antipolo. Laman daw nito yung mga receipts and reinbursement ng opisina nila, Kaya malamang problemahin niya talaga 'to kapag hindi naibalik sa kanya. Pinakiusapan nga niya 'ko na pumunta sa Crossing para kausapin yung Fx driver, Isa-isahin ko daw yung mga white taxi dun, Kasi yun lang ang natatandaan niya, kulay ng FX... Biniro ko siya na manawagan sa A.M Radio kasi malamang nakikinig ng balita yun sa umaga.

Kinabukasan ginising ako ng ate ko para nga dun sa iniutos niya, kaso tinamad ako dahil napuyat din ako. Sabi ko after na lang ng klase ko sa hapon. Habang nasa school ako nag text ang nanay ko na tumawag na daw yung FX driver at mag kikita na nga daw sila ng kapatid ko sa EDSA Crossing. Akala namin dahil yun sa panawagan niya sa radyo, Una natuwa ako sa DZMM dahil bumilib ako dahil ibig sabihin marami talaga silang taga pakinig. Pag-uwi ng kapatid ko sinabi niya na nag kusa daw yung driver na hanapin yung opisina niya dahil nga sa address at phone number na nakasulat sa mga resibo. Pero salamat na din sa DZMM dahil napatunayan ko na handa talaga silang tumulong. Sa tuwa ng ate ko inabutan niya ang driver ng P1000. Nung una ayaw daw itong tangapin pero pinilit siya bilang pasasalamat. Tutal nga naman pera lang yun na pwede mong kitain kaysa naman mawalan ka ng pag kakakitaan.

Marami na 'kong nabalitaang tungkol sa mga Pinoy taxi driver, Kahit sa ibang bansa sikat sila dahil minsan mga foreigner yung nakakaiwan ng mga importanteng bagay minsan malalaking halaga pa. At naibabalik nga sa kanila dahil sa kabaitan ng mga Pinoy.