SENIOR PIE

Eto na ang kabuuan ng pagiging high school ko.. adviser ko dito si OG, hindi niya tunay na pangalan, yun lang ang tawag namin sa kanya nung batch namin, dahil ni require niya kame na bumili at basahin ang mga libro ni OG MANDINO.. sino ba yun? actually hindi naman ako sumunod, at marami rin sa'min ang hindi rin.. kaya wala rin akong alam tungkol sa mga kwento niya, hindi rin ako mahilig magbasa ng mga nobela.. kaya ewan ko rin kung may nag babasa ba ng mala nobelang blog kong 'to? wala lang talaga 'kong magawa.. siguro ok na din na nauso 'tong blog para kung sakaling dumating ang araw na wala na'ko sa mundo.. ( wag muna ngayon..) at may mangailangan ng auto biography ko, pwede na rin siguro 'tong basihan... hehe..

Sa Pagpapatuloy.. may iba 'kong naging klasmeyt na tropa ko na since second year ako, kaya medyo ok sa'kin ang klaseng 'to seatmate kame ni arvic na tropa ko na nung second year at kasabay ko sa pag uwi, dahil pareho kaming taga Taguig.. klasmeyt ko rin si Pops na ka love team ko nung second year... hehe at nadagdag pa sa mga kalokohan namin si Duque na ka love team ko naman sa klaseng 'to... hehehe ulet... kasama pa diyan ang isa kong ka row na si Jesusa na klasmeyt ko sa elementary at biniro ko na natae siya nung mga bata kame, kahit hindi ko naman talaga alam... eh... umamin naman na natae nga siya... hahaha.. sa bagay ako rin naman nung grade 2.. (kwento mula sa blog kong SCHOOL MILK ).. at si Robin na kasama kong nag cutting nung elementary din, dahil nagpasama siya sa bahay nila para kunin ang naiwan niyang baon..kaya pag balik sa klase.. bilang parusa.. pinilit kaming bilhin ang isang balot na lala na paninda ng teacher namin.. buti na lang at naka pulot kami ng Php 10.00 habang pabalik kami sa UES..

Sa klaseng 'to madalas akong pag bintangang B.I ( Bad Influence ) sa seatmate ko.. dahil inakala ng adviser namin na ako ang mahilig mag reto ng babae sa katabi ko.. nakakatawa lang.. masyado rin daw akong pasaway sa klase, sa loob daw ang kulo ko, yan ang sabi ng napakabait na si Og.. Minsan nag e-exam kame.. tahimik ang lahat.. ng biglang mahulog ang takip ng lata ng picnic na kinakain ko, kumalansing yun ng matagal sa pagbagsak sa semento.. kaya sermon ang inabot ko kay Og.. sinabihan akong.. "hindi ka ba binibilhan ng laruan ng nanay mo nung bata ka! kaya pati mga lata-lata pinagpupupulot mo!?.." napa tahimik na lang ako..

Sa tuwing may exam.. madalas may kodiko ako... lupet ko mangodiko nun! lalo na sa mga subjects na may formula gaya ng Math at Physics.. never akong nahuli..minsan kopya.. sa trigonometry naman.. kahit mangodiko 'ko.. hindi ko talaga alam.. hirap!! dinadaan ko na lang sa pangongopya sa katabi.. syempre naka ready na rin ang cheating arrangement pag pasok mo sa klase..

Minsan.. pinatawag ako sa corridor ng teacher namin sa physics, kasama si Pops.. tinanong kame kung sino ba daw ang nangopya sa'ming dalawa..dahil carbon copy ang mga sagot namin sa test paper.. dahil mabait naman ang pag tatanong ni mam, kahit na kilala siyang bangis sa school namin.. inamin ko na rin ang totoo na ako ang nangopya.. syempre.. ayoko din madamay si pops.. magaan lang naman ang parusa.. siguro dahil minsan nandun ako sa bahay ng teacher kong yun.. kasi naging tropa ko ang anak niya.. ang parusa?

Pinaulit sa'kin lahat ng notes ko since first grading period hanggang 4th grading.. ang dami nun!! at dapat maganda ang sulat.. tapos pinakabisado sa'kin ang formula kung pa'no kunin ang SPEED, VELOCITY, MOMENTUM at kung anu-ano pa.. tapos i-re-recite ko sa harap niya.. nakalusot naman ako.. kaya nga naka graduate ako ng H.S. dahil kung pumalya ako sa mga parusa niya.. lagot na... walang patawad yun!

Nauso nun ang pakulay ng buhok.. at high lights.. isa 'ko sa mga nakiuso.. kahit na alam kong mahigpit ang school namin pagdating sa grooming.. bumili kami ni boy ng tig- sa-sampung pisong pangkulay.. yung kulay kalawang.. at nag kulayan kami sa bahay nila. Kinabukasan... habang naka pila kami sa corridor para sa pag darasal ng rosary alay sa birthday ni Mama Mary.. natamaan ng matinding sikat ng araw ang buhok ko.. dahil nga high lights.. ayun.. huli ako! syempre pinatawag ako sa Office Of Discipline..

Sa klase ko sa Electricity.. bukod ang mga boys.. teacher namin ang adviser ko nung third year ako na si Bok.. close kami nun.. pero minsan mainit ang ulo niya.. nanenermon sa'min.. iisa lang naman ang bukang bibig niya, kaya naka bisado na namin.. paglabas niya sa pinto.. pag katapos niyang mag litanya.. ginaya ko lahat ng sinabi niya sa harap ng klase, at nagtawanan ang marami.. narinig ni Bok yun.. at bumalik siya.. tinanong kung sinong tarantado ang gumagago daw sa kanya..?! walang nagtataas ng kamay.. pero ang lahat naka tingin sa'kin kaya nilapitan ako ni Bok at kinalabog ako sa balikat.. hinubad niya ang unipormeng barong at I.D. niya.. Hinamon ako ng suntukan!! syempre hindi na'ko umimik at nag sori.. habang namumutla.. takot ko lang..?

Retreat na namin.. sa isang burol sa Angono Rizal.. pugad ng mga madre.. 3 days yun.. hindi pa rin naiwasan ang maging pasaway ng marami kasama na'ko.. habang nag she-sharing kame sa isang room kasama ang retreat master.. nag iiyakan ang marami sa'min.. patay ang ilaw.. kandila lang ang bukas.. may nasabi ko nun habang ako na ang nag she- share ( hindi ko na'po sasabihin ulet mga ka-blog..) nagtawanan ang marami, na tila nawala na sa concentration nila sa pag re-reflect.. kaya pinatigil bigla ang session.. natakot ako kasi baka makarating sa office of discipline.. pag dating sa school, buti na lang hindi,, bumawi ako nung mga sumunod na araw..

Kulitan kami sa gabi habang nasa retreat house kami.. kahit na may oras dapat ang pag tulog, hindi pa rin maiwasan ang pagiging pilyo.. nagpupuntahan ang mga boys sa mga kwarto ng mga girls.. wala lang... hehe o kaya bababa kami sa may burol.. yung iba mag yoyosi, iba nag tatakutan.. naghahanap lang ng thrill.. siguro masarap lang talaga ang bawal... hehe

sobrang dami pa ng mga alaala.. na hindi ko na makwento sa dami... sarap lang talaga maging high school.. sana naumpisahan niyo ang pagbabasa ng walang ka-kwenta kwentang buhay ko since elementary.. mula sa blog kong.. VOX JUVENUM.. adios.. mga amigos!! sarap balikan ang kabataan, ( I feel NOSTALGIC habang ginagawa ko 'to...)simple lang ang buhay.. karamihan sarap..

JUNIOR PIE

Pagpapatuloy.......Junior na'ko sa high school.. mas tumitindi ang impluwensiya ng mga barkada, may mga tropa ko nung 2nd year na hindi na nakasama sa klase, pero ka tropa pa rin sa school, at kasama kapag break time.. Medyo bored ako sa klaseng 'to, kasi karamihan ng mga kaklase ko ay magkaka tropa na nung previous year.. tapos nasa likod pa'ko naka upo, alphabetically order kasi ang arrangement ng upuan namin..
Madalas ako ang pinag li-lead ng prayer sa umaga.. rosary po iyon.. hindi ko alam kung pinag ti-tripan lang ako ng adviser ko na tawagin naming si Bok.. o talagang feel niya lang kapag ako ang nag lead, hehe.. Karamihan ng tropa ko dito puro cheeks.. yung isa pa nga pambato ng school namin sa pagandahan contest at madalas naman siyang manalo, kahit na nagkakataon lagi kapag sumasali siya maga ang mata niya o kaya maga ang pisngi... minsan kagat ng langgam, ipis, lamok at kung anu-ano pang insekto.. nadadaan na lang sa make up at sa dami ng friends kapag botohan ang laban.. Lagi akong tulala sa klase, lutang ang utak ko, at lagi akong inaantok.. boring talaga...

Second grading period na nang dumagdag ang isa naming klasmeyt, galing sa ibang school.. nakakapagtaka lang na akala ko na mahigpit ang school namin, pero nakapasok pa din kahit na second grading period na.. Ahhh kaya pala... ma impluwensiya ang pamilya, at anak ng mataas na pulitiko sa isang sikat na siudad sa Metro Manila.. Nung una marami kaming asar sa kanya, naalala ko pa na sabi ng katabi ko na wag daw namin pansinin kapag pumasok na.. pero napa isip ako... bakit naman? hindi ko pa nga siya nakikilala tapos ganun na gagawin ko? Nice guy kasi ko eh... hehe

Yun nga pinakilala na siya sa klase.. at ka row ko pa siya, isang upuan lang ang pagitan namin, habang tumatagal, nakilala na namin siya, at ayos naman pala siyang makisama, kaya dumami rin ang tropa niya.. Kame.. naging close kami nung panahon na yun.. sa klase lang... kasi nilimitahan ko rin ang sarili ko sa pagsama sa kanya, isa pa diyan na may iba rin naman akong tropa sa school.. na ayaw din sa kanya...Pero kapag PE minsan ang lakas ng impluwensiya niya... ayaw niyang mag PE.. Niyaya niya ko na mag paiwan na lang kaming dalawa sa classroom.. ako naman medyo tinopak ng katamaran kaya sinamahan ko na lang siya..

Natuwa lang ako sa kanya nung araw na yun dahil, bigla niyang nilabas ang baon niyang tuna na delata at may dala din siyang abrilata at baong kanin na rin.. Kumain kaming magkasalo sa loob ng klase, ako pa nga ang pinagamit niya ng kutsara at sa kanya ang tinidor.. Sweeeeett... hehe... Nakaka tuwa lang isipin na hindi pala siya pa sosyal gaya ng una naming naisip sa kanya dahil big time nga siya.. Mabait din naman pala talaga siya.. Pero minsan nagkaroon ng trouble sa labas ng school na sangkot siya, kaya ayun hindi na rin niya natapos ang taon at na kick-out.. sayang.. di na siya umabot sa JS Prom namin.

JS prom na... Dun kami natulog ng mga tropa ko sa isa pa naming tropa na may chikot, para gagamitin namin sa pag attend sa JS, sabay sabay kame...kanya kanya na ng partner.. Medyo may pagka K.J. nga lang ang iba naming mga teachers, lalo na yung mga matatandang dalaga.. hinaharang ba naman sa gate yung mga girls na naka back less.. grabe naman.. kasi daw.. baka daw chansingan ng mga boys habang sumasayaw sa dilim... hahaha... Pero di sila nagwagi! nakapasok pa rin ang mga naka sexy gown.. nagalit kasi ang mga parents ng mga estudyante na naghatid sa kanila... eh pano nga ba naman... ginastusan din ang mga suot at make up nila, tapos papauwiin lang..?

Masaya ang JS namin, pawisan nga lang ako kakasayaw... yikes!! May plano kaming mag babarkada nung gabing yun, after that night.. May wheels naman kasi ang isa sa amin kaya ayos... Plano namin? Yung tipong mala American Pie... Pilyo! Ang kaso disaster!!! ang gabing yun sa'kin pagkatapos ng party... akalain niyo ba namang pag dating sa gate ng resort na pinag dausan ng JS, naka abang pala dun ang nanay ko!!??? Sinusundo ako!!!??? wahahahaha!!!! Bigla pa 'kong hinawakan sa kamay, para hindi daw ako makatakas.. tila alam niya na may plano kami kaya sinundo ako... Nanliliit ako sa kahihiyan sa harap ng mga tropa at mga klasmeyt ko that night... kung alam niyo lang.. embarrassing moment talaga.. kanchaw ang inabot ko.

Pilit kong kumawala sa kapit ng nanay ko at tumakbo ko palabas ng gate, sumenyas pa'ko sa mga tropa ko na babalik ako at antayin lang ako... pero nakita kong nakasunod pa rin ang nanay ko.. nililigaw ko dapat siya na parang pusa nun, pero ako yata ang naligaw.. pagbalik ko sa resort.. wala na ang mga tropa ko.. nakita ko si C.I (na kababata ko) that night, napasabay kasi ang JS ng school nila sa amin, klasmeyt ko din siya nung first year pero nung third year lumipat na siya ng school... at yun nga... naglakad kaming dalawa pauwi ng bahay...

Yan ang mala American Pie na buhay HIGH SCHOOL ko.. ,.//???!!@#%%@^& sweet....

H.S. NA SI JUN-JUN!

Tapos na'ko sa grade school, panibagong hakbang na naman.. wala na'ko sa public school na pinanggalingan, hindi na'ko nagtitinda sa klase.. at hindi na rin bibili ng florwax...kapag naparusahan sa sandamukal ng bakod sa blackboard, kapag noisy ka... nagkahiwalay hiwalay na nga kame ng mga dating nakasama, pero may iba pa rin ang natira at naka join sa Catholic School na pinasukan ko..gaya ni Rovan at Ivan na kasama kong nagtitinda sa klase nung grade 5 ako.. ( sana nabasa niyo ang mga naunang blog sa elementary days ko)..

Nakapasa ako sa entrance exam at interview ng catholic school na pinasukan ko.. buti naman.. kahit na may kabigatan ang matrikula at tuition fee dito, nagtiwala pa rin sa'kin ang nanay ko na makakatulong ang pagpasok ko dito.. Iba pala talaga sa private school, maku-culture shock ka, ika nga.. lalo na kung nanggaling ka sa public school.. Halos karamihan ng klasmeyt ko dito, big time.. kung hindi naman, may kaya talaga sa buhay.. hindi tulad ko na hamak na anak mahirap lang na ginagapang lang ng magulang ang pag aaral... (drama anthology ito..)

Unang araw.. kumpleto ko sa dalang gamit.. punong puno ang bag ko, halos makuba ako sa bigat at dami ng dala.. pinagbaon pa nga ako ng nanay ko ng pandesal na may palamang peanut butter at kanin na ang ulam ay fried chicken para sa lunch.. excited kasi 'ko pumasok, nakalimutan ko na binata na pala ko.. jologs ang puno ang bag ng mga libro.. uso pala nun ang mga binder at ang karamihan sa mga klasmeyt ko may nirerentahang locker na pinag lalagyan ng mga libro at ibang mga gamit nila.. May mga klasmeyt pa nga akong may mga beeper.. o pager nung panahon na uso yun.. napatahimik na lang ako at parang nahihiya at napapa isip kung para dito ba talaga 'ko..

Pero dumaan ang ilang araw, may naging kaibigan din naman ako, yung naka seatmate ko.. si Patajo... apilyido niya yun.. ganun pala sa H.S. pormal na ang tawagan.. naging ok naman ang samahan namin.. sakristan siya ng school namin, dun na siya nag elementary sa school ding yun, kaya marami na siyang kakilala at hindi na nahirapang mag adjust gaya ko.. minsan niyaya niya kong mag sakristan.. at sumama sa glee club... ehemmm... medyo ayos din naman ang boses ko.. hehe.. lalo na that time.. wala pang mga bisyo... pero hindi rin ako tumagal sa ganun, may pagka tamad kasi 'ko sa pag attend ng mga meetings.. at mga rehearsals.. May pag ka isip bata 'tong si Patajo, kaya minsan napag titripan sa klase.. pero grabe.. hindi lumalaban.. napakabait..at dinadaan lang sa tawa ang mga pang asar sa kanya, minsan nang aasar din naman siya..

Inakala ko nun na sina Ivan at Rovan ang magiging barkada ko sa school dahil sila ang mga klasmeyt ko nung elementary ako at nakasama pa sa High School.. pero hindi rin pala, hindi rin kasi kame mag kakaklase nun.. kaya siguro nagkaroon na kame ng ibat-ibang tropa.. Si C.i naman klasmeyt kame nung first year, pero magkaiba ang mga tropa namin sa classroom.. may pagka allergic kasi ko sa mga pa-sosyal kong mga klasmeyt, kaya iba tropa ko nun, dun ako sa mga tropa ng mga good guys... gaya ni patajo.. at dun sa mga humbles... gaya nila ate Julie.. at marami pang iba...

Nakaka asar lang dun sa school namin, masyadong mahigpit sa buhok.. at sa mga lates... sa attitudes.. doble ang higpit.. parang nakakasakal na minsan, kaya pag labas sa compound ng school labas ang mga kulo ng mga estudyante...

Nag second year na'ko.. hindi na kame mag kaklase ni Patajo, nalungkot pa nga siya ng ganun ang nangyari.. malalayo daw siya sa bestfriend niya.. ako yun...Iba na ang mga naging tropa ko dito, sina boy, arvic, jay, joel, pops, ate julie pa rin at iba pa..lumaki pa ang tropa ko... ito na yata ang pinaka makulit na klase na napasukan ko nung H.S. dito kasi pinagsama sama ang mga pinaka pasaway sa school namin.. Minsan nahahawa na nga ako sa mga kalokohan eh.. Dito.. may mga tuksuhan na... at may mga mag sho-shota... ang daming kalokohan... sobra!! hindi ko na makwento sa dami... Dito 'ko namulat ng husto na hindi pala totoo na kapag sa Catholic School ka nag-aaral... pino ang ugali ng mga makakasama mo.. magagaling at panay ang dasal... Hindi pala.... nyehhh!!!

Unti-unti na'kong kinakain at nahahawa sa ugali ng mga klasmeyt ko, unti-unti na rin akong naging pasaway.. isa na diyan ang pagbaba ng mga grades ko.. at napapatawag na'ko sa office of discipline.. Muntikan na nga akong ipalipat ng school ng nanay ko.. dahil sa mga pinaggagawa ko.. Umiyak lang ako, at hindi pumayag sabi ko, hindi na mauulit sa susunod na taon...

Tingnan nga natin... Susunod!!!...

ALAYB!!! ALAYB!!!

Ika- anim na baitang pangkat dalawa...

Ito na ang kabuuan ng kwento ng UES days ko, Masasabi kong binata na'ko, dahil ang dami ko ng kalokohang natutunan at pinaggagawa... hahahaha...

Adviser ko dito napakabait!!! sobra!!! pero negosyante pa rin... sa totoo lang kapitbahay lang niya ang school namin.. ober da bakod nga lang ang ginagawa niya kapag papasok siya... pero madalas pa ring late...kapag pumapasok sa klase namin, iisipin mong kagagaling lang niya sa divisoria, sa dami ng panindang dala dala niya, para ibenta sa'min..Iba-iba ang tinda ni mam... sino ba naman ang makakalimot sa spaghetti na puro ketchup sa sopas na kulang sa gatas at sa lugaw na parang am ng bata...
tinuruan pa nga kame ni mam na dumiskarte kung pano kainin ang meriendang 'to, kahit walang mangkok, kutsara o tinidor... ganito lang daw... nag demo pa sa klase...

1.Hawakan ang supot ng merienda sa bandang hawakan na pinagbuhulan nito.
2.Pisilin ang bandang puwetan.
3.Butasin ang pwet ng supot sa pamamagitan ng pag kagat dito.
4.Buksan ang bibig at sipsipin ang pwet ng plastic ng merienda.
5.Makinig sa klase. Ayos!! solve ka na sa 5 piso mo..

Teacher namin siya sa Filipino at GMRC (Good Moral And Right Conducts) at kadalasan hindi rin siya nakakapagturo sa filipino siguro marahil ay pilipino naman ang mga estudyante niya.. kaya nag focus na lang siya sa religion dahil parang GMRC na rin na isa sa mga tinuturo niya.. Ganito ang siste...bukod sa mga paninda may dalang stereo si mam at cassette sa klase..

Magdadasal kame, ipapa lock ang pintuan ng class room at pagkatapos... bubuksan niya ang stereo at isasalang ang cassette... at magsasayawan at magkakantahan kame sa saliw ng..... "Pagkagising sa Umaga" Wag kang Magtataka" Sundan sundan mo siya" Kung Ikaw ay Masaya" at ang Alayb-Alayb!! isa pa diyan ang "Come Holy Spirit.." Yes!! mga kantang pinapatugtog sa korsilyo, religious congregation at sa Luneta kasama si Mike Velarde... astig ba?!

Naaalala ko pa na bigay na bigay ako sa pagsayaw... ginagamit ko pa nga ang mga steps ng macarena, lick it, tootsiroll at big-big man... mga sayaw na nauso nung grade 6 ako.. yikes!!

Minsan kapag come holy spirit na ang tugtog, tatahimik kami at pipikit, magre-reflect sa mga nagawang kasalanan at maya-maya may maririnig ka na lang na humihikbi at umiiyak minsan may biglang hahagulgol... Matatapos lang kami sa ginagawa namin sa loob ng classroom kapag may kumatok na sa pinto para sa susunod na teacher namin... at makikita mo sa kanya sa pagpasok na nakatingin sa aming lahat dahil marami ang namumula ang mga mata...na hindi mo malaman na parang nagtataka o natatawa...at magtatanong... Anong nangyari?

Ito ang katapusan ng elementary days ko.. pero ang mga naging kaibigan at kasama ko sa mga panahong ito, ay mga kaibigan ko pa rin hanggang ngayon... sana naumpisahan niyo ang pagbabasa mula sa blog kong VOX JUVENUM... abangan na lang ang summary ng buhay highschool ko... na alam ko namang wala kayong pakelms.... joke!

ANG KLASE NI MRS. DINGUINBAYAN

Ikalimang baitang pangkat dalawa...

Ito ang klase na nagumpisa ng lahat... dito nabuo ang samahan namin nila rona, je, iya, jc, ci, rovan, ivan, brigido atbp..

Ito rin ang panahon na una akong nagka syota... puppy... at nakaranas ng kung anu-ano gaya ng isang batang papunta na sa pagbibinata? hihihihi

Ang klase na naging aktibo ako sa science.. dahil ako lagi ang ginagawang team leader, at pinag do-drawing sa blackboard, manila paper, kartolina at kasama sa mga taga ayos ng stage kapag may program... iniisip ko, baka inuuto lang ako ng panahon na yun dahil masyado akong mabait..

Uso nun ang sempot!!! ang sakit nun!! lahat ayaw tmuwad dahil baka madali ka ng harmful joke na 'to.. hehe.. habang sa klase sa science, nag e-experiment kame tungkol sa soil erosion.. habang nakatuwad si Rodolfo, napagtripan ni Brigido at nasempot sa pwet!!! Ayun!! iyak tawa ang gago!!!! natatawa kapag naaalala ko yun, kahit alam ko na hindi magandang biro yun..
tumanim sa'kin ang erosion...

Dito ko nakabisado sa loob ng tatlong oras ang buong multiplication table, dahil kailangan na para sa graded recitation ni Mrs. Bonifacio... pangalan pa lang, pang himagsikan na..

Pero ang matindi dito, naging adviser ko ang pinakatinuturing na terorista ng mga estudyante sa UES nung panahon namin.. Si Mrs. Dinguinbayan.. naging mabait naman siya sa'kin at isa pa nga ako sa mga paborito niya (sipsip)hindi naman ako masyadong pasaway... (magaling lang magtago..) ako pa nga ang taga hawak ng susi ng klase namin, dahil maaga ako lagi pumasok, minsan si Jc.. dahil malapit lang din siya sa school..

Malupit 'to si Mam... negosyante!! gaya ng mga typical na guro sa public school.. nagtitinda siya ng kung anu-an0 sa mga estudyante.. siguro dahil na rin sa baba ng sahod nila, kelangan talaga ang rumaket...
Kami pa nga ni Rovan ang ginawang tindero, minsan iba-iba.. depende sa araw.. iba ang bawat tinda kada row..at ang siste.. kapag my bisita, tago agad ang paninda... astig...

Minsan nagwala 'to si mam, kasi ba naman, hindi naubos ang paninda sa tray.. kelangan kasi maubos yun... hinagis ang mga paninda ng school... kasi ayaw daw namin bumili.. hindi niya alam naubos na ang baon namin bago pa mag recess dahil kakabili ng sarili niyang paninda, kelangan daw kasi maubos yun, bago mag uwian, at kung sino ang row na pinaka huling maubos ang tinda, sila ng cleaner at magtatapon ng basura, maghuhugas ng mga cups, at bibili ng florwax para sa kinabukasan... ayos ba yun?

Hindi ko nabuo ang klase noong grade 5 ako, kinailangan ko kasi na umuwi sa probinsya, dahil may telegramang natanggap ang nanay ko, na may sakit daw ang lola ko kaya maaga akong nagpapaalam sa klase para magbakasyon na..

Sayang nga lang at dapat kasi huwarang bata ako nun pagdating ng recognition day.. eh hindi na nga dahil hindi ako umabot at hindi nabuo ang numbers of school days...

MR. BOPBOP

Ikaapat na baitang pangkat dalawa...

Adviser ko si Mrs. Ballesteros, pero mas tumatak sa akin si Mr. Bopbop na teacher namin sa Science at english.. hindi niya tunay na pangalan...

Sa tuwing makikita namin siya sa corridor ng eskwelahan namin, ilag na agad kame, kasi mukang terror..grade 3 pa lang kame nun.. takot nga ang marami sa amin na sana wag siya ang maging teacher...

At yun nga nagtagpo din ang aming landas, sa klase.. ganito ang sistema niya.. mahigpit.. ayaw ng may nakikitang nagdadaldalan kapag nasa harap siya ng klase kung hindi? Papupuntahin ka sa harap at may kurot ka sa singit.. especially sa mga boys... ang malupit pa dito, hindi lang basta kurot, may kasamang hipo.. molestiya noh? oh kaya huhubuan ka at papaluin sa pwet.. malas mo kung wala kang brief... ganyan ang karanasan namin mga lalake sa kanya.. wala namang nakarating sa ibang teacher at mga magulang nung time na yun, siguro sa isip namin that time, normal lang ang ganung pag didisiplina..kasi kahit ako, nung nasa grade 1 pa lang napasubo na ng chalk, at nalagyan ng masking tape sa bibig sa harap ng klase.. akala namin.. ganun lang talaga kapag pasaway ka..

Highschool na'ko ng mabalitaan ko kung ano ang nangyari kay Mr. Bopbop.. napanood ko sa tv sa programa na Isumbong mo kay Tulfo! Isang teacher ang nang molestiya sa 1998 centenial jumboree.. nakita ko siya sa loob ng selda na iniinterview at tinatakpan ng bahagya ang mukha.. Bumalik tuloy sa alaala ko nung grade 4 pa kame.. minsan pa nga, nasa grade 5 na kame nun.. kapag madaling araw pa lang at maaga kang pumasok, makikita mo siya sa corridor.. yung isang tropa ko nun, type niya yata.. madalas siyang magpamasahe dun habang wala pang klase..

Doon namulat ako.. at kapag nakakapanood ako sa balita ng mga estudyanteng inabuso ng guro, naaalala ko yun..

Sa di inaasahan.. college na'ko.. nakita ko siya sa University namin.. nalaman ko na nagtuturo siya.. pero hindi rin nagtagal..

Yan ang isa sa mga buhay elementary ko... marami pa...